МАЗҲАБ БИДЪАТМИ?

Улардан бири: мазҳабга эргашиш бидъат, Қуръонда мазҳабга эмас, аҳли зикрларга эргашиш буюрилган, дейди. Гўёки мазҳаб тутган инсонлар бидъатчи ва гуноҳкордек...

  Аллоҳ таоло Ўз каломида марҳамат қилган: “Агар билмайдиган бўлсангиз, зикр аҳлларидан сўранг” (Наҳл, 43-оят).

  Эътибор қилинг, нега оятда аҳли зикрдан сўранг дейилаяпти?! Нега Қуръон ва суннатдан олаверинг дейилмаяпти? Ваҳоланки, Пайғамбаримиз алайҳиссалом маъсум ва қолганлар маъсум эмас. Пайғамбаримиз алайҳиссаломдан бошқалар адашиб қолишга маҳкум-ку!

  Ушбу оятда Аллоҳ таоло бандаларга билмаган нарсаларида аҳли зикрга эргашишларини, яъни, олимлардан сўраб билиб олишга амр этаяпти. 

  Билмасангиз Қуръон ва Суннатдан олаверинг деб эмас, зикр аҳлидан билиб олинг, уларга эргашинг деб марҳамат этаяпти!

  Зикр аҳли эса аҳли сунна уламоларидир!

  Улар ҳеч қачон ўз мазҳаби (йўли)ни Қуръон ва суннатга зид ҳолда тузишмайди. Тўртала мазҳаб мужтаҳид имомлари ҳам асосий манба ўлароқ Қуръон ва суннатни олишган. Ва тўртала мазҳаб мужтаҳид уламолари ҳам хоҳлаган мазҳабдан хоҳлаганини олавериш жоиз деб айтишмаган.

  Бинобарин, ким мазҳаблардан бирини тутса, у албатта Қуръон ва суннатга амал қилаётган, амалларини салафи солиҳларга мувофиқ қилаётган бўлади! Тавфиқ - Аллоҳдандир!

Миролим Мансур  тайёрлади