Жиззах вилоятида эшитиш ва гапириш қобилияти чекланганларга диний маърифий суҳбат ўтказилди

Жиззах вилоятида эшитиш ва гапириш қобилияти чекланганларга диний маърифий суҳбат ўтказилди

imon.uz 09-02-2019

Ҳозирги вақтда миссионерлар томонидан турли адабиётлар, рисолалар ва “Муқаддас хушхабар” номи билан ботил асарлар кўплаб ўзбек тилига таржима килиниб, одамларга айниқса, ёшларга бепул таркатиш ҳолатлари кузатилмоқда.


Маълумки, охирги пайтларда кўп ёшу қарилар ўзларининг муқаддас динларини ташлаб ҳар хил дин ва диний окимларга ўтиб кетмокда. 


Имом Муслим Абу Саъид Ал-Худрий (р.а)дан ривоят қилган ҳадиси шарифда Пайғамбаримиз соллаллоҳу алайҳи васаллам: эй мусулмонлар! Сизлардан қайси бирингиз нотўғри ишни кўрса, бас қўли билан қайтарсин, агар қодир бўлмаса, тили билан қайтарсин, агар бунга ҳам қодир бўлмаса, қалби билан ўша ишдан нафратлансин, ана шу иймоннинг энг заифидир деганлар. Демак ҳадиси шарифнинг маъносига кўра, тинчлигимизга, бирлигимизга ва эътиқодимизга таҳдид солиб турган миссионерлик ҳаркатига ва бошқа дин ниқоби остидаги бузғунчи тоифаларга қарши ҳар бир мусулмон ўз имкониятидан келиб чиқиб курашмоғи лозимдир. 


Бинобарин, дунё миқёсида, ғоявий-мафкуравий таҳдид сифатида намоён бўлаётган миссионерлик фаолиятини ўз ўрнида англаш, улардан доимо огоҳ бўлиш, мазкур ҳаракатларни ўз вақтида бартараф этиш бугунги куннинг долзарб муаммоси эканлигини ҳар биримиз англашимиз лозим.


Жумладан Ўзбекистон мусулмонлари идораси Жиззах вилояти вакиллиги томондан ана шундай айрим миссионерлик домига тушган эшитиш ва гапириш қобилияти чекланганлар билан, Жиззах шаҳридаги “Хўжа Нуриддин ҳожи” жоме масжидида диний маърифий суҳбат ўтказилиб, уларга Ислом динининг мазмун ва моҳиятини тушунтириб берилди ва “Вақф” хайрия жамоат фонди томонидан совғалар улашилди. Тадбирга 150 нафар эшитиш ва гапириш қобилияти чекланган эркак ва аёллар иштирок этишди.


Тадбирга Ўзбекистон мусулмонлари идораси ходимаси М.Абубакирова, ЎМИ вилоят вакиллиги ходимлари ва шаҳар ва туман бош имом-хатиблари ҳамда шаҳар ва туман бош отинойилари иштирок этишди.


ЎМИ. Жиззах вилояти вакиллиги


Ижтимоий тармокларда улашинг

Фейзбукда изоҳ қолдиринг

Мавзуга оид