ЛОЙДАН ЯРАЛГАН ОДАМЗОТ

Инсон танаси ҳозирги кунгча ҳам барча қисмлари тўлиқлигича ўрганилмаган мукаммал лойиҳадир. Инсон танасининг тузулишини энг замонавий техник асбоб-ускуналар билан ўрганаётган олимлар ақлбовар қилмайдиган кашфиётларга дуч келяптилар. Инсон танасидаги тўқималар шулар жумласидандир. Инсон танасидаги тўқималарда йигирма олти хил кимёвий элемент мавжуд. Улардан олтитаси эса бошқаларига қараганда жуда коп учрайди. Булар: 

1. Углерод 

2. Водород  

3. Кислород  

4. Азот  

5. Фосфор 

6. Олтингугурт  

Инсон танасидаги тўқималарнинг 95 фоизини ана шу элемемтлар ташкил қилади. Бу эса жуда муҳим бир ҳақиқатни, инсоннинг лойдан яралганлигини тасдиқлайди. Инсон танасидаги тўқималарни ташкил қилувчи барча асосий ноорганик кимёвий элементлар тупроқ таркибида эркин ҳолатда ёки бирикмалар кўринишида учрайди. Аллоҳ таоло биринчи одамни Одам алайҳиссаломни лойдан ясаган ва унга шакл бериб жон ато этган. Бу мўъжиза Қуръони Каримда шундай баён қилинган:   

إِذْ قَالَ رَبُّكَ لِلْمَلَٰئِكَةِ إِنِّى خَٰلِقٌۢ بَشَرًا مِّن طِينٍ 

فَإِذَا سَوَّيْتُهُۥ وَنَفَخْتُ فِيهِ مِن رُّوحِى فَقَعُوا۟ لَهُۥ سَٰجِدِينَ 

“Эсланг, Парвардигорингиз фаришталарга деган эди: «Албатта мен лойдан бир одам Яратгувчидирман. Бас, қачон уни тиклаб, унга Ўз руҳимдан пуфлаб киргизганимдан сўнг унга сажда қилган ҳолларингизда йиқилинглар» (Сод сураси 71-72 оятлар). 

Бошқа бир оятда Аллоҳ таоло шундай марҳамат қилади: «(Қасамки), Биз инсонни ( ҳазрати Одам алайҳиссаломни) лойнинг мағзидан яратдик». (Мўьминун сураси 12-оят).  

Фан эркин ҳолатдаги лойиҳа инсон организмининг тўқималари ҳам айнан бир хил элементлардан ташкил топганлигини аниқлади. Замонавий фан томонидан аниқланган бу далиллар ўн тўрт аср олдин Қуръони Каримда нозил қилинган оятларнинг ҳақ эканлигини яна бир бор исботлади.