Масжидларда бунёдкорлик ишлари давом этмоқда

Юртимиздаги масжидлар кундан-кунга замонавий шаклда таъмирланиб, чиройли ва қулай ҳолатга келтирилмоқда. Халқимиз бундай жоме масжидларда ибодатларини хотиржам адо этаётганларидан мамнунлар.
Мана шундай бунёдкорлик ишларининг узвий давоми сифатида, Жиззах вилояти, Шароф Рашидов туманидаги «Имоми Азам» жоме масжиди ҳам шаҳарсозлик меъёрлари ва қоидаларига мувофиқ замонавий шаклда қурилмоқда.     

Масжид учун тайёрланган лойиҳага кўра, ҳашаматли, намозхонлар учун жуда қулай ва шинам бўлишига алоҳида эътибор қаратилган. Таъкидлаш жоизки, қурилиш ишларига энг моҳир уста ва муҳандислар жалб этилган.