Зафаробод туманидаги “Умар ибн Хаттоб” масжидига илк ғишт қўйилди

Жорий йилнинг 10 июль куни Жиззах вилояти Зафаробод туманидаги “Умар ибн Хаттоб” жоме масжидининг янги биносига Зафаробод тумани ҳокими И.Қаршибоев, Жиззах вилояти ҳокимлики котибият мудири Н.Раимов, Жиззах вилояти бош имом-хатиби Жабборов Меҳмонали домла бошчилигида тамал тоши қўйилди. Масжидда қурилиш ишлари ҳомийлар ва тадбиркорлар кумагида амалга оширилади.

Қуръони каримда шундай дейилган:

لَمَسْجِدٌ أُسِّسَ عَلَى التَّقْوَىٰ مِنْ أَوَّلِ يَوْمٍ أَحَقُّ أَنْ تَقُومَ فِيهِ ۚ فِيهِ رِجَالٌ يُحِبُّونَ أَنْ يَتَطَهَّرُوا ۚ وَاللَّهُ يُحِبُّ الْمُطَّهِّرِينَ

“Тақво ва эзгулик асосида қурилган бу жоме масжид ибодат қилишингиз учун муносибдир. Унда покликни хуш кўрадиган кишилар намоз ўқийдилар. Покликка интилувчиларни эса Аллоҳ таоло яхши кўради”. (Тавба сураси, 108-оят)

Ҳақ таоло ушбу масжидни обод ва мунаввар айласин!

imon.uz матбуот хизмати