УЙҒОНАЙЛИК !

      Тарихдан маълумки, буюк аждодларимиз бошларидан жуда оғир  синовли кунларни ўтказишган. Уларнинг бошларидан ўтган воқеа ва ҳодисаларни ўқиган ёки эшитган кишининг  кўзига ёш келиши табиийдир.

           Улар мустабид тузум  зулмларини, қатағон ва  иккинчи  жаҳон уруши, қаҳатчилик, вабо касалликларини бошларидан ўтказдилар.

           Лекин уларни Аллоҳ таолодан қўрқишлари билан бир қаторда, Унинг раҳматидан умид қилишлари ва астойдил ишонч - интилишлари зафар қазонишларига олиб келди. 

           Дунё қанчалик тараққий этмасин, турли хил қурол - аслахалар билан мамлакатлар тиш тирноқигача қуролланмасин, Яратган биттагина кичик бактерия билан бутун коинотни ларзага солиб қўйишига ҳаммамиз яна бир бор иқрор ва гувоҳ бўлдик. 

           Бугун коронавирус инфекцияси туфайли биз, кўп неъматларни  қадрини тушиниб етдик. Қалб кўзимиз очилди, озгина саноқли кунлар ҳам бизга улкан насиҳатлар калити бўлди.

           Бугун коронавирус инфекцияси ҳар қандай мамлакатни шошириб қўяётганлиги, олдини олиш учун қанчадан-қанча чора тадбирлар қилинаётганлиги барчамизга сир эмас.

           Юртимизда ҳам, барча чора тадбирлар қўлланилмоқда.

АҚШнинг нуфузли нашрларидан бири – “The Diplomat ” Марказий Осиёда  коронавирусга қарши курашилаётганлиги ҳақида мақола эълон қилиниб, ушбу таҳлилий материалда коронавирусга қарши Ўзбекистон танлаган йўл муваффақияли экани алоҳида таъкидланган.

         Азизлар, Ватан барчамизники, уни авайлаб асраш ҳаммамизнинг энг шарафли ва масъулиятли бурчимиз. 

         Ҳозирда коронавирус инфекциясидан сақланиш учун ҳукуматимиз томонидан қўйилаётган барча топшириқларга амал қилайлик, уйғонайлик, дунёда бўлаётган ҳодисалардан сабоқ олайлик, бугуннинг талаби “Уйда қолинг” экан бу ҳам, Ватан олдидаги вазифамиз эканлигини унутмайлик.     

Янгиобод тумани “Иймон” масжиди

имом хатиби:  Шуҳратбек Худойназаров