ЙЎЛГА ЧИҚДИМ

ЙЎЛГА ЧИҚДИМ

Икки дунё йўлдошим иймон

Ўткинчи туш кабидир жаҳон,

Дея ишқда этиб мен фиғон,

Катта йўлга чиқдим, Худойим.

Бойлик, обрў, ёр истаб эмас,

Фақирликдан қўрққанимданмас,

Розилигинг этиб мен ҳавас,

Катта йўлга чиқдим, Худойим.

Ўзинг раҳм, Ўзинг дўст паноҳ,

Фақат Ўзинг ишқимга гувоҳ.

Ғафлатликни билиб мен гуноҳ,

Катта йўлга чиқдим, Худойим.

Авомларга керакдур фатво,

Олимларга керакдур тақво,

Менчи истаб ишқдин бир наво,

Катта йўлга чиқдим, Худойим.

Сенга муҳтож Жума Сулаймон,

Қўлламасанг аҳволим ёмон,

Ишқсизлардан бўлай деб омон,

Катта йўлга чиқдим, Худойим.

Жума Сулаймон