Жиззах вилоятида “Ҳоким Кубоги” мусобақалари ўтказилди

Ўзбекистон Республикаси давлат мустақиллигининг 34 йиллик байрами муносабати билан Жиззах вилоятида диний соҳа ходимлари ўртасида “Ватан учун, миллат учун, халқ учун!” шиори остида жорий йилнинг 28 август куни спортнинг “Футбол, валейбол ва стол теннис турлари бўйича "Жиззах вилояти ҳокими Кубоги" учун мусобақалар ўтказилди.

Мусобақанинг тантанали очилиш маросимида Жиззах вилояти бош имом-хатиби Меҳмонали домла Жабборов сўзга чиқиб, юртимиз истиқлол айёми муносабати билан ўтказилаётган беллашувнинг аҳамияти ҳақида нутқ сўзлади ва иштирокчиларга омад ҳамда зафарлар тилади.

Беллашув диний соҳа ходимларининг ақлий ва жисмоний фаоллигини ошириш, жамоавий ҳамфикрликни қўллаб-қувватлаш ва ҳамжиҳатликни мустаҳкамлаш мақсадида Ўзбекистон мусулмонлари идораси раҳбарияти тавсияси асосида ташкил этилди.

Вилоят шаҳар ва туманларидан ташриф буюрган жамоалар ўртасидаги мусобақа қизғин баҳсларга бой тарзда ўтди.

Мусобақа якунида ғолиб жамоаларга ва турли йўналишларда ўз маҳоратларини намоён этган иштирокчилар фахрий ёрлиқлари ҳамда эсдалик совғалари билан тақдирландилар.

Мусобақани юқори савияда ўтказишда ташкилий масалаларда фаоллик кўрсатган масъул ходимлар ва жамоа аъзолари муносиб тақдирланадилар:

- Жиззах вилоят бош имом-хатиби Меҳмонхон домла Жабборов.

- Жиззах вилоят бош имом-хатиби ўринбосари Ботирхон домла Рузиев.

Мусобақа якунига кўра спортнинг футбол тури бўйича жамоалар қуйидагича ўринга эга бўлдилар:

1-ўрин: Шароф Рашидов тумани “Янги Ўзбекистон” жамоаси

2-ўрин: Зомин тумани “Маърифатли” жамоаси

3-ўрин: Пахтакор тумани “Истиқлол” жамоаси

Мусобақа якунига кўра спортнинг воллейбол тури бўйича жамоалар қуйидагича ўринга эга бўлдилар:

1-ўрин: Зомин тумани “Маърифатли” жамоаси

2-ўрин: Ғаллаорол тумани “Ғаллакор” жамоаси

3-ўрин: Бахмал тумани “Темурийлар” жамоаси

Мусобақа якунига кўра спортнинг стол тенниси тури бўйича жамоалар қуйидагича ўринга эга бўлдилар:

1-ўрин: Зомин тумани “Каттабўз” масжиди имом-хатиби Холмуродов Жаҳонгир

2-ўрин: Мирзачўл тумани “Исломобод” масжиди имом-хатиби Болиев Динмуҳаммад

3-ўрин: Ғаллаорол тумани “Лалмикор” масжиди имом-хатиби Сирожиддинов Аббосхон.

Шунингдек, футбол бўйича ўтказилган мусобақа якунида куннинг “Мусобақанинг энг яхши ўйинчилари” номинациялари бўйича ғолиблар аниқланди ва уларга эсдалик совғалар ҳамда дипломлар топширилди:

·         “Энг яхши ҳужумчи” – Ш. Рашидов тумани “Жиззахлик” масжиди имом-хатиби Шарофиддинов Азамат.

·         “Энг яхши ҳимоячи” – Зарбдор тумани “Дувлонбой ота” масжиди имом-хатиби Амирқулов Азиз.

·         “Энг яхши дарвозабон” – Ш. Рашидов тумани “Янгиобод” масжиди имом-хатиби Олимов Ислом.

Ушбу номинациялар мусобақада иштирок этган имом-хатибларнинг фаоллиги ва майдондаги маҳоратларига асосан тақдим этилди. Бу эса спорт мусобақалари нафақат соғлом турмуш тарзини тарғиб этиш, балки жамоатчилик ўртасида дўстлик ва ҳамжиҳатликни кучайтиришга хизмат қилаётганини яна бир бор намоён қилди.